વેદના

જડતું નથી કારણ શું હશે? મથી-મથી ને થાકી હું,

વણ જોઈતા વિચારો માં વાલમ,જાગી આખી રાત હું.

ચિત ચકોરે ચડ્યું સવારે, ઉડે એ આભલે,

રોકયું એ રોકાયું નહીં પ્રિયે,ચિતર્યું નામ પડવારે.

થઈ બદનામ આજે સજની, રહી ન કામ-કાજ ની,

સાંભળું છું દરેક ખૂણે, બની ઘેલી તારા નામ ની.

તારી વાતો,તારો ચેહરો, કરે છે કલશોર,

રાત પડી પણ, આંખ ના ઢળી, બસ રંગે રંગાઈ ચારેકોર.

દિવસો ગયા,રાત વિતી હવે, મહિનાઓ ગણું છું,

ઓસરી ના જાય સમય હવે, બસ આંગણે રાહ જોઉં છું.

-પ્રાચી ભટ્ટ