નિશ્વાર્થ પ્રેમ

ચંદુ સ્કૂલ થીં છૂટી ને ઘરે ગુસ્સા માં આવે છે.ધડામ કરી ને બારણું ખુલ્લું રાખી ને ચિડાયેલા અવાજ માં બૂમ પાડે છે.

ચંદુ:”મમી…મમ્મી….😣”

અવાજ સાંભળી ને ગીતા રસોડા માંથી કામ મૂકી ને બહાર દોડી આવે છે. રડતા ચંદુ ને માથે હાથ ફેરવા ગીતા એ પૂછ્યું, કેમ રડે છે બેટા.

ચંદુ:”મમ્મી,પપ્પા આપણી સાથે કેમ નથી રહેતા??? બધા ના પપ્પા સાંજે ઘરે આવે છે પણ મારા પપ્પા કેમ રોજ નથી આવતા ઘરે?”

આ સવાલ સાંભળી ગીતા નું હ્ર્દય દ્રવી ઉઠ્યું. અને અંદર ને ભાગી પડી કે દીકરા ને સુ જવાબ આપું. બે મિનિટ રૂમ માં શાંતિ રહી. ચંદુ અને ગીતા એકબીજા ને એકી નજરે જોઈ રહ્યા હતા. ગીત સ્તબધ હતી. એને એક ઊંડો શ્વાસ લીધો અને પોતાને સમજાવતી હોઈ એમ નોર્મલ થવાની કોશિશ કરી.

ગીતા:”ચંદુ,તને ખબર છે ને કે તારા પપ્પા તને બઉ પ્રેમ કરે છે. તું લાડકો દીકરો છે ને પપ્પા નો. પછી કેમ એવું રડે છે. ચાલ હાથ પગ મોઢું ધોઈ લે.નાસ્તો આપું તને”.

ચંદુ:”ના,નથી કરવો નાસ્તો. મને પપ્પા જોઈએ. એમને કેમ કોઈ દિવસ કોઈ કહેતું નથી કેહતું કે એ અહીં જ રહે. કેમ એમને આપણી યાદ નથી આવતી?”

ગીતા :”બેટા, પપ્પા વિશે આમ ના બોલાય.એ આપણો પરિવાર છે”

ચંદુ: “કેમ ના બોલાય મમ્મી? હું પણ નિરાશા થઇ જઉ છુ જયારે બીજા ફ્રેંડસ ના પપ્પા એમને ફરવા લઇ જાય છે, મને પણ યાદ આવે છે એમની જ્યારે બાજુ વાળા રાહુલ એના પપ્પા સાથે વિડિઓ ગેમ રમેં છે. મને ફર્ક પડે છે કે મારા રોજિંદા કામ માં મારા પપ્પા મારી પાસે નથી”😢

ગીતા જાણે પતિ અને દીકરા બંને વચ્ચે કોને સમજાવે એવી પરિસ્થિતિ માં ઉભી હતી.

ગીતા:”ચંદુ, તને કઈ વાતે તારા પપ્પા આ ઓછું આવા દીધું છે કે તને એમના પર એટલો ગુસ્સો આવે છે આજે અચાનક?”

ચંદુ:” મમ્મી, તું બેસ અહીં મારી પાસે.મારે વાત કરવી છે ”

ગીતા ચંદુ પાસે આવી ને બેસે છે. એના ચહેરા પર એક વિચિત્ર ભાવ છે આજે, ને દીકરા અને પતિ બંને વચ્ચે ની લાગણીઓ ઓછી ના થઇ જાય એની માટે ગીતા દીકરા ને પેહલા સાંભળવા માંગે છે.

ચંદુ:” મારા ક્લાસ માં રવિ અને સાગર બંને મિત્રો એમના પપ્પા સાથે ક્રિકેટ રમવા જાય છેં.હું કેટલાક દિવસ થી જોઉ છું એમને સાથે ગ્રાઉન્ડ પર રમતા. આ જોઈ ને મને પણ થયું કે મારા પાસે આજે પપ્પા ઘરે હોત તો હું પણ રમી શકુ એમની જોડે. પપ્પા આપણી સાથે હોત તો કેટલી મજા આવે. મમ્મી, હું અને તુ બંને પપ્પા અહીં હોઈ તો ખુશી-ખુશી બહાર ફરવા જઈએ. કેટલી મજા આવે”

ગીતા:” બસ, આટલી વાત. અને તું તો આખું ઘર માથે લીધું છે કે પપ્પા,પપ્પા.. પપ્પા. બેટા, તને ખબર છે ને કે પપ્પા સુરત માં નોકરી કરે છે. એમને રોજ રોજ અહીં આવવું ના પોસાય. અને પપ્પા અપણા માટે જ મહેનત કરે છે.તું સરસ ભણે,મોટો થઈ સરસ નોકરી કરે એટલે જ તો પપ્પા દિવસ ને રાત કામ કરે છે”

ચંદુ:”..પણ એ ખાલી રજાઓ માં જ આવે છે. ”

ગીતા ના મોઢા પર હાસ્ય છે. ગંભીર વાત ને એ થોડી રમૂજ માં લઇ ને ચંદુ ના ગાલ પર હાથ ફેરવતા કહયુ:” તારી વાત હું સમજી શકું છું બેટા. થોડા સમય માં એમની બદલી અહીં થઈ જશે. બસ ત્યાર પછી આપણે સાથે જ હોઈશું ને. તું મોટો થયો હવે મારા દીકરા. આપણે એક પરિવાર છે એટલે આપણે અમને થોડું સપોર્ટ કરીયે તો આ સમય પણ જતો રહેશે. પછી તું પણ જજે ને બેટ-બોલ લઈ ક્રિકેટ રમવા પપ્પા સાથે”

ચંદુ સહેજ મોડું ચડાવી ને :” તું એમને કેજે કે એમનો દીકરો બઉ ગુસ્સે છે એમના પર, કારણકે એ મારા માટે એક સરસ શર્ટ મોકલવના હતા ઓનલાઇન, જે આવ્યું નથી.બાકી તો હું એમને પણ બઉ પ્રેમ કરું છું”

ગીતા સમજી ગયી કે ચંદુ બાળક છે અને એની ઉંમર પણ નાની છે છતાં આ ઘણું બધું સમજે છે. આ વાત અહીં જ પૂર્ણ વિરામ મૂકી ચંદુ ને પ્રોત્સાહિત કરે છે.

ગીતા:”ચાલ,ઉભો થઇ જા. ને જલ્દી ફ્રેશ થઈ નાસ્તો કરી ને. હું રાહ જોઉં છું રસોડા માં તારી.”

ચંદુ:”મમ્મી, સોરી.હું બઉ પજવું છું ને તને અને પપ્પા ને?”

ગીતા:” લે,હોઈ કઈ સોરી.તું તો મારો વહાલો દીકરો છે. તું જ તો મારો લાલ,મારો દુલારો છે.”

દીકરા ને વહાલ કરી રહી હતી. માથે હાથ ફેરવી એને હસાવી ને ગીતા ચંદુ ને પોસોટીવ કરવાનો પ્રયાસ કર્યો જે એક નિષવાર્થ પ્રેમ હતો. પરિવાર નો એકબીજા માટે નો નિષવાર્થ પ્રેમ જે એકબીજા ને જોડી રાખે છે.

પરિવાર માં બધા અલગ સ્વભાવ ના વ્યક્તિ હોઈ પણ સ્વાર્થ વિના લાગણીઓ ના તાંતણે બંધાય એ જ નિષવાર્થ પ્રેમ.

સાગા-વહાલા અને મિત્ર વર્તુળ માં કોશીષ કરવી કે સ્વાર્થ વિના સંબન્ધ રાખવો. પ્રેમ હમેશ ને માટે નાદાન હોય તયારે વધુ આનંદ આપે છે. જેમ બાળક માટે માતા નો પ્રેમ સ્વાર્થ થકી નથી હોતો, અને પિતા પોતાના બાળકો ને સારું સુખ આપવા કઈ પણ કરવા માટે તૈયાર થઈ જાય છે એને પરિવાર નો નિષવાર્થ પ્રેમ કહેવાય.

આતો કળિયુગ છે. કહેવાય છે કે કળિયુગ માં કપટ વિના નો પ્રેમ મળવો એ દુર્લભ છે. એજ માણસ સુખી કહેવાય જેને સાચો પ્રેમ કરનાર પરિવાર જે વ્યક્તિ મળી જાય.

એટલે જ લાગણીઓ ને વહેવા દો. એકબીજા ના માટે નિસ્વાર્થ પ્રેમ ની ભાવના રાખો. સુખી થશો.

-કાકી ના ઓટલે થી

પ્રાચી ભટ્ટ